TOShKENT, 21 apr — Sputnik. O‘zbekiston Tashqi ishlar vaziri o‘rinbosari Saidikrom Niyozxo‘jayev va uning rossiyalik hamkasbi Grigoriy Karasin Moskvada uchrashib, Vladimir Putin va Islom Karimov uchrashuviga tayyorgarlik masalasini muhokama qildilar, deb xabar bermoqda Rossiya TIV matbuot-xizmati.
"Tomonlar O‘zbekiston – Rossiya munosabatlariga doir kun tartibida turgan bir qator masalalarni, shu jumladan, Rossiya va O‘zbekiston rahbarlarining oliy darajadagi uchrashuviga tayyorgarlik masalasini muhokama qildilar”, — deyilgan Rossiya TIV matbuot-xizmati e’lon qilgan xabar matnida.
Bundan sal oldin Vladimir Putin O‘zbekiston prezidenti Islom Karimov shu oyda Rossiyaga tashrif uyushtirishi haqida xabar qilib, shunday degan edi: "O‘zbekiston va Rossiya o‘rtasidagi munosabatlar haqiqatda ittifoqdosh xarakterga ega. Shu yil aprel oyida Islom Abdug‘aniyevich Karimovning Rossiyaga tashrifi o‘zaro hamkorlikni yanada kengaytiradi, mustahkamlaydi”, — deb aytgan edi.