TOShKENT, 29 mar – Sputnik. Aviapirat tomonidan qo‘lga olingan va Larnaki aeroportida majburan qo‘nishni amalga oshirgan A320 layneri bilan bog‘liq operatsiya o‘z yakuniga yetdi, deb xabar qilmoqda Kipr TIV, RIA Novosti xabariga ko‘ra.
"Hammasi yakun topdi. Hozirda Bosh vazir bayonoti tayyorlanmoqda", — deb xabar berdi vazirlik xodimasi.
Eslatib o‘tamiz, O‘zbekiston vaqti bilan 10:30da bortida 51 nafar yo‘lovchi va 7 nafar ekipaj a’zolari bo‘lgan misrning Egypt Air aviakompaniyasiga tegishli A-320 yo‘lovchi samolyoti noma’lum kimsa tomonidan qo‘lga olingan edi. Bosqinchi portlovchi qurilmani ishga tushirishini aytib, po‘pisa qilgani uchun samolyot Kiprning Larnaki aeroportida majburiy qo‘nishni amalga oshirishga majbur bo‘lgan.
Samolyot majburan qo‘ndirilgach, aviapirat ekipaj a’zolarini asir olgan holda, kelib chiqishi misrlik bo‘lgan ayollar va bolalarni samolyotdan chiqarib yuborgan, hamda Kipr hukumatidan siyosiy boshpana talab qila boshlagan.
Soat 17.00 da aviapirat taslim bo‘lgan va hibsga olingan.
