TOShKENT, 24 fev — Sputnik. "Eyr Qirg‘iziston" aviakompaniyasi 2008-yil Qurmonbek Boqiyev uchun xarid qilingan samolyot savdosidan tushgan pullarni, boshqa samolyot xaridi uchun sarflaydi, deb xabar qiladi hukumat raisi Jo‘ldoshbek Bekturganov.
2008-yilda Beechcraft SuperKingAir-350 havo kemasi kim oshdi savdosida o‘sha vaqtdagi prezident – Qurmonbek Boqiyev uchun 6,3 million dollarga xarid qilingan.
Samolyot Transport va kommunikatsiyalar vazirligi balansida bo‘lgan, aprel oyidagi voqealardan keyin “Eyr Qirg‘iziston” davlat kompaniyasiga topshirilgan.
"Havo kemasi 3 million 130 ming dollarga sotildi. Barcha pullar "Eyr Qirg‘iziston" kompaniyasi balansiga yo‘naltiriladi. Samolyot, unda hech kim uchmayotgani tufayli sotuvga qo‘yildi, o‘rniga boshqa samolyot xarid qilinadi", — dedi Bekturganov.
