TOShKENT, 22 fev — Sputnik. O‘zbekistonda birinchi marta Olimpiada litsenziyasini qo‘lga kiritgan sportchilar va ularning murabbiylari uchun mukofot tadbiq etildi, deb xabar berdi Respublika Olimpiada qo‘mitasi vakili Sputnik muxbiriga.
Vakilning so‘zlariga qaraganda sportchilar va trenerlar uchun mo‘ljallangan mukofot qiymati 50-60 mln so‘m atrofida. Olimpiadada yutib olingan sovrinlar uchun esa alohida mukofotlar beriladi.
“Biz sportchilar va ularning murabbiylari uchun, Braziliya olimpiadasi oldidan, birinchi marta bunday qo‘shimcha rag‘batlantiruvchi omil kiritdik. Shunday yo‘l bilan biz o‘z atletikachilarimizni nafaqat ma’naviy balkim moddiy yo‘l bilan ham qo‘llab quvvatlamoqchimiz”, — dedi Milliy Olimpiada qo‘mitasi vakili.
Olimpiadada oltin, kumush va bronza medallar olgan sportchilar uchun beriladigan mukofotlar ham saqlanib qolgan. Ularning aniq miqdori, odatdagidek, olimpiadadan bir oy oldin, prezident qarori bilan belgilanadi. Odatga ko‘ra, Olimpiada qo‘mitasi ham g‘oliblar uchun alohoda mukofot belgilaydi.
O‘zbekiston Rioda bo‘lib o‘tadigan olimpadaga katta umid bog‘lagan. Londonda bo‘lib o‘tgan olimpiada va paralimpiadaga qaraganda O‘zbekiston delegatsiyasida sportchilar soni to‘rt baravar oshishi kerak. Bo‘lajak olimpiada uchun O‘zbekiston jamoasi yuzga yaqin litsenziya qo‘lga kiritishni rejalashtirgan. Qo‘mita bu borada suzuvchilar, dzudochilar, gimnastikachilar va futbol jamoasiga katta umid bog‘lamoqda. Bugungi kunda O‘zbekiston sportchilari ixtiyorida 30ta litsenziya bor.
2016 yilgi yozgi olimpiada o‘yinlari 5 – 21-avgustda, Braziliya poytaxti Rio-de-Janeyroda bo‘lib o‘tadi. Musobaqalar Braziliyaning Belu-Orizonti, Brazilia, Salvadore va San-Paulu shaharlarida ham bo‘lib o‘tishi rejalashtirilgan.
Bu Janubiy Amerikada bo‘lib o‘tadigan birinchi olimpiada o‘yinlaridir. Lotin Amerikasida 1968-yilda Mexikoda Olimpiada o‘yinlari bo‘lib o‘tgandi. Ushbu olimpiadada 306 to‘plam medallar taqdim etiladi, 206 mamlakatlardan sportchilar qatnashadi.
