TOShKENT, 18 fev – Sputnik. Yeni Safak nashri xabariga ko‘ra, Turkiyaga Suriyadan qochoq qiyofasida kirib kelgan Solih Nejar ismli shohid-terrorchi Anqarada sodir etilgan teraktda gumon qilinmoqda.
Eslatib o‘tamiz, chorshanba kuni kechasi sodir etilgan portlashda 28 kishi halok bo‘lgan, 61 kishi tan jarohati olgan.
Minalashtirilgan avtomobil portlashi Turkiya poytaxtining markaziy va gavjum ko‘chalarining biridagi chorrahada ro‘y bergan. Manba tarqatgan xabarlarga ko‘ra, terrorchi undan qochoq sifatida olingan qo‘l izlari asosida aniqlangan.
