TOShKENT, 26 yanv — Sputnik. O‘zbekiston jamoasi yangi “Elbrus halqasi” harbiy o‘yinlar konkursida qatnashadi. Bu haqda Rossiya harbiy qo‘shinlari jismoniy tayorgarligi boshqarmasi raisi Oleg Bosman xabar berdi.
“Biz “Elbrus halqasiga” taklifnomalarni MDHning 8 mamlakatiga – Qozog‘iston, Ozarbayjon, Armaniston, Belorussiya, Qirg‘iziston, Tojikiston, Turkmaniston, O‘zbekistonga, hamda Xitoy, Hindiston, Italiya va Serbiyaga yubordik”, — dedi Bosman.
Harbiy xizmatchilar orasida musobaqa Elbrus tog‘lari yaqinida, Kabardino-Balkariya hududida, Tog‘-tayorgarlik va tirik qolish markazida bo‘lib o‘tadi.
Konkurs dasturi harbiy qo‘shinlar orasida qoyaga chiqish, qurol-aslaha va alpinist jihozlari bilan Elbrus atrofida besh kunlik marsh va uning cho‘qqisiga chiqish kabi musobaqalardan tashkil topgan.
Umuman olganda guruhlar 105 km masofa bosib o‘tib 3,5 km balandlikka ko‘tarilishadi. Musobaqa qatnashchilari 7 dovon, 6 muzlik, 2 muz tog‘lari, 5 tog‘ darosi va undan tashqari 12 maxsus topshiriqni cheklangan vaqt ichida bajarishadi.
Ushbu tanlovda g‘olib chiqqan eng yaxshi guruhlar 2016-yil iyunida belgilangan keyingi musobaqaga o‘tadi.
