TOShKENT, 23 yanv — Sputnik. BMT Bosh kotibi Pan Gi Mun a’zolik badallarini to‘lamaganligi tufayli, ovoz berish huquqidan mahrum qilingan mamlakatlar ro‘yxatini e’lon qildi, RIA Novosti Assoshieyted Press ma’lumoti asosida.
Ro‘yxatdan 15ta qarzdor-mamlakat o‘rin olgan. Liviya, Dominikan Respublikasi, Sent-Vinsent va Grenadina, Burundi, Bahrayn, Mali va Eron shular jumlasiga kiradi. Bosh assambleya matbuot-kotibi Daniel Tomas “Hozirgina badal to‘lovidan qutulgan Eron ovoz berishda qatnashishi mumkinligi”ga aniqlik kiritgan.
Venesuela davlati ham qarzdor, deb e’lon qilinib, ovoz berish huquqidan mahrum etilgan. 2016-yilning fevralida bu mamlakat BMTda raislik vakolatini o‘z zimmasiga olishi lozim edi. Venesuelaning BMT oldidagi qarzi 3 million dollarni tashkil etadi.
BMT Bosh kotibi, shuningdek, hozirda murakkab siyosiy va iqtisodiy vaziyatni boshdan kechirayotgan Yaman, Somali, Komor orollari, Gvineya-Bisau va San-Tome hamda Prinsipi kabi qarzdor-mamlakatlar ovoz berish huquqidan mahrum qilinmasligi haqida aytib o‘tgan.
Qolgan qarzdor-mamlakatlarga BMT Kengashlarida favqulodda holatlardagina ovoz berish huquqiga ega bo‘lishlari haqida ta’kidlandi.
