TOShKENT, 20 yanv — Sputnik. Chiqarilgan hukmdan norozi erkak, jinoyatchilar vaqtincha saqlanadigan izolyatorda o‘z og‘zini tikib tashladi, xabar qiladi Qirg‘iziston Respublikasi ombudsman instituti matbuot-xizmati.
39 yashar erkakning advokati ayni paytda huquqni muhofaza qilish organlariga ariza bilan murojaat qilgan.
Arizada, Qirg‘iziston Respublikasi Lenin tumani sudyasi 2015-yilning 2-noyabrida jabrdiyda ayol ishtirokisiz hukm chiqargani haqida ta’kidlangan.
Qirg‘iziston Respublikasi Jazoni amalga oshirish xizmati 8-yanvar kuni hibsga olingan erkak ochlik e’lon qilish maqsadida, o‘z og‘zini tikib tashlagani haqidagi xabarni tasdiqladi. Erkak, sudya uni 14-yilga ozodlikdan mahrum qilganidan norozi bo‘lib, shu ishga qo‘l urgani ta’kidlanmoqda.
Advokat Jumabekovning ta’kidiga ko‘ra, jabrlanuvchi ayol sudda biror marotaba ishtirok etmagan. Qolaversa, hibsga olingan erkakka qarshi hech qanday e’tirozi yo‘qligi haqida ikki marta ariza yozgan.
Ma’lumotlarga qaraganda, erkak 26-yanvar, ya’ni to ishi sudda qayta ko‘rilgunga qadar och o‘tirishga qaror qilgan.
"Sudlanuvchining salomatligi joyida", — qo‘shimcha qilishdi muassasada.
Huquqni muhofaza qilish xodimlari ochlik e’lon qilgan erkak bilan uchrashib, unga zarur yuridik yordam ko‘rsatdilar. Ombudsmen Qubat Otorboyev esa bu ishni o‘z nazoratiga oldi.
