Saudiya Arabistoni TIV: qatl qilingan an-Nimr – terrorchi edi

© AP Photo / Vahid SalemiSaudiya Arabistonida sodir etilgan qatlga qarshi namoyish.
Saudiya Arabistonida sodir etilgan qatlga qarshi namoyish. - Sputnik O‘zbekiston
Obuna bo‘lish
Nimr an-Nimr terrorchilikni oqlagan, terrorchilarni moliyaviy tomondan qo‘llab-quvvatlagan. U shuningdek, terrorchilik hujumlarida ham shaxsan ishtirok etgan, deydi Saudiya Arabistoni Tashqi ishlar bosh vaziri.

TOShKENT, 20 yanv — Sputnik, Aleksey Bogdanovskiy. Saudiya Arabistoni Tashqi ishlar Bosh vaziri Odil al-Jubayr qatl qilingan Nimr-an-Nimr shia imomi bo‘lgan degan ma’lumotlarni inkor etdi, xabar qiladi RIA Novosti.

"Nimr an-Nimr — terrorchi bo‘lgan. U din tadqiqotchisi emasdi", — ta’kidladi al-Jubayr CNNga bergan intervyusida. Bosh vazirning so‘zlariga qaraganda, an-Nimr "terrorchilikni oqlagan, jangarilarni yollash va ularga moliyaviy yordam ko‘rsatish singari ishlar bilan shug‘ullangan. U hujumlarni rejalashtirgan va amalga oshirishda shaxsan ishtirok etgan. An-Nimr amalga oshirgan terrorchilik hujumlari oqibatida xavfsizlik xizmati xodimlarining bir qanchasi halok bo‘lgan".

Al-Qoida terrorchilik uyushmasi yetakchisi Oymon az-Zavohiriy. - Sputnik O‘zbekiston
"Al-Qoida" rahbari Saudiya Arabistoniga hujumga da’vat qilmoqda

Shia targ‘ibotchisi an-Nimr Saudiya Arabistonini boshqarayotgan sunniylar sulolasining eng ko‘zga ko‘ringan raqibi va tanqidchisi bo‘lgan. Ammo, aksariyat kuzatuvchilarning ta’kidiga qaraganda, shayx an-Nimr hech qachon odamlarni zo‘ravonlikka da’vat qilmagan.

2012 yilda hibsga olingan shia imomi, 2016-yilning yanvarida qatl qilindi. An-Nimr qatli Eron diniy yetakchilarining keskin g‘azabini keltirdi. Natijada ommaviy tartibsizliklar yuzaga kelib, Erondagi Saudiya Arabistoni elchixonasiga hujum uyushtirildi. Bu voqeadan keyin Ar-Riyod Tehron bilan diplomatik aloqalarni to‘xtatdi.

Yangiliklar lentasi
0