TOShKENT, 26 sen - Sputnik. RF Mudofaa vazirligi Qurolli kuchlari Bosh shtabi qo‘mondoni Valeriy Gerasimov RTga bergan intervyusida NATO va AQShning yopiq harbiy mashqlarning yopiqligi haqida gapirdi. Uning aytishicha, NATO va Qo‘shma Shtatlar Moskvaning havoda va dengizda xavfli harbiy faoliyatning oldini olish bo‘yicha bitim yuzasidan aniqlik kiritish taklifini ham mutlaqo e’tborsiz qoldirmoqda.
Gerasimovning so‘zlariga ko‘ra, "Kavkaz-2020" strategik mashqlari 2019-yilning dekabrida Mudofaa vazirligi kollegiyasida e’lon qilingan, mashqlar boshlanguniga 10 kun qolganida esa boshqa davlatlar harbiy attashelariga o‘quv mashqlari maqsadlarri, vazifalari va tarkibi haqida ma’lumot berilgan.
"Rossiya Mudofaa vazirligi umuman olganda ochiq siyosatni yuritadi… Biz Qo‘shma Shtatlar va ularning NATO bloki bo‘yicha sheriklaridan javoban xuddi shunday harakatlarni ko‘rmayapmiz. Xususan, ularning mashg‘ulotlariga hech qachon takliflar bo‘lmagan", - degan Valeriy Gerasimov.
U shuningdek, so‘nggi oyda Rossiya davlat chegaralari yonida NATOning 30taga yaqin strategik aviatsiyalari samolyotlari qayd etilganini eslatdi. Bundan tashqari, NATO birlashmalari RFga bevosita yaqin hududlarda "o‘zlarining allaqanday mashqlari ustida ishlamoqdalar".
"Biz janjalli holatlarga olib kelishi mumkin bo‘lgan qandaydir hodisalar ro‘y berishini istamaymiz. Shu bois, bizning harbiy uchuvchilarimiz va harbiy-dengiz floti kemasi komandirlari o‘zlarini amaldagi halqaro-huquqiy hujjatlarga muvofiq bosiq tutmoqdalar", - deb qayd etgan Rossiya Bosh shtabi rahbari.
