TOShKENT, 24 yanv — Sputnik. O‘zbekiston prezidenti Farmoni bilan qabul qilingan "Faol tadbirkorlik, innovatsion g‘oyalar va texnologiyalarni qo‘llab-quvvatlash yili" Davlat dasturiga muvofiq, shifokorning kasbiy xatosini aniqlashning ta’sirchan tizimini joriy etish belgilangan, deb xabar qildi Sputnik O‘zbekiston muxbiri.
har bir tibbiyot muassasasida bemorlarning shifokor kasbiy xatosidan xavfsizligini ta’minlash bo‘yicha doimiy ekspert guruhlarini tashkil etish;
tibbiyot xodimlarining xatosi oqibatida yetkazilgan zarar to‘g‘risida sog‘liqni saqlash organlariga xabar qilish, ularni ko‘rib chiqish va xizmat tekshiruvini o‘tkazish tartibi;
tibbiyot xodimlari yo‘l qo‘ygan xatolar haqida jabrlangan shaxslarga ma’lumot berish, ularni hisobga olish va xatolarning oldini olish tizimini yaratish;
birlamchi tibbiy hujjatlarni, jumladan retseptni elektron shaklda to‘ldirishni (qo‘lozma usulidan to‘liq voz kechgan holda) joriy etish va uni tegishli dorixonadagi ma’lumotlar bazasiga joylashtirishni ta’minlaydigan axborot tizimini bosqichma-bosqich amalga kiritish nazarda tutiladi.
