Samarqanddagi yirik anjuman yangi siyosiy xaritani hosil qildi - Abdulaziz Kamilov

© Mejdunarodniy press-klubMinistr inostrannix del Uzbekistana Abdulaziz Kamilov
Ministr inostrannix del Uzbekistana Abdulaziz Kamilov - Sputnik O‘zbekiston
Obuna bo‘lish
Markaziy Osiyo xavfsizligi global xavfsizlikning ajralmas qismi hisoblanadi. Jahon hamjamiyati shu boisdan ham ushbu mintaqa tinchligi, xavfsizligi va barqaror rivojlanishi uchun o‘z mas’uliyatini his qiladi. Samarqandda bo‘lib o‘tgan xalqaro anjuman ishtirokchilari xuddi shunday yakuniy xulosaga keldilar

TOShKENT, 11 noya — Sputnik. Bugun, 11-noyabr kuni Samarqand shahrida o‘tkazilayotgan "Markaziy Osiyo: bir o‘tmish va bir kelajak, barqaror rivojlanish va o‘zaro farovonlik uchun hamkorlik" xalqaro konferensiyasi yakunlandi.

Flagi stran-uchastnis konferensii po obespecheniyu bezopasnosti i ustoychivogo razvitiya v Sentralnoy Azii - Sputnik O‘zbekiston
Markaziy Osiyo mamlakatlari o‘rtasida 2018-2019 yillar uchun hamkorlik dasturi imzolandi
Tadbir yakunida OAV vakillari bilan uchrashgan O‘zbekiston Respublikasi Tashqi ishlar vaziri Abdulaziz Kamilov anjuman muvaffaqiyatli yakun topganini qayd etdi.

Ikki kun davom etgan anjuman tufayli qadimiy Samarqand va bu shaharda sodir bo‘layotgan voqeliklar jahon hamjamiyati e’tiborida bo‘ldi.

Anjumanda xorijiy mamlakatlardan kelgan 500 dan ziyod delegatsiyalar: 20dan ziyod Osiyo davlatlari vakillari, o‘ndan ziyod xalqaro tashkilotlar vakillari, jumladan, Markaziy Osiyo davlatlari tashqi ishlar vazirlari ishtirok etdi.

Anjuman davomida 70 dan ziyod chiqishlar tinglandi. Bu ma’ruzalarda mintaqa mamlakatlari o‘rtasida iqtisodiyot, transport, madaniy-gumanitar, turizm va boshqa sohalardagi hamkorlikni yanada kengaytirish, davlat chegaralarini delimitatsiya va demarkatsiya qilish, suv-energetika resurslaridan birgalikda foydalanish, yuzaga kelishi mumkin bo‘lgan xavf va tahdidlarga qarshi hamkorlikda kurashish, qo‘shni Afg‘oniston respublikasida tinchlik o‘rnatish yuzasidan muhim takliflar bildirildi.

Anjuman qatnashchilari O‘zbekiston Respublikasi Prezidenti Sh.Mirziyoyev tomonidan Markaziy Osiyo davlatlari o‘rtasida ahil qo‘shnichilik va hamkorlik aloqalarni rivojlantirish, mintaqa davlatlari rahbarlarining doimiy maslahatlashuvlar o‘tkazish va boshqa tashabbuslarini qo‘llab-quvvatladi.

Vid na ulitsu Gran Via i zdanie Edifisio Metropolis v Madride - Sputnik O‘zbekiston
Abdulaziz Kamilov boshchiligidagi delegatsiya Ispaniyaga boradi

Shuningdek, Birlashgan Millatlar Tashkiloti Bosh Assambleyasining Markaziy Osiyo mintaqasida tinchlik, xavfsizlik va barqaror ijtimoiy-iqtisodiy taraqqiyotni ta’minlash bo‘yicha mintaqaviy va xalqaro hamkorlikni mustahkamlashga doir maxsus rezolyutsiyasini qabul qilish to‘g‘risidagi taklif ma’qullandi.

Xalqaro konferensiya yakuni bo‘yicha kommunike qabul qilingani ma’lum qilindi.

"Bugungi uchrashuv, muzokaralardan so‘ng davlatlarimiz bir-birini yanada yaxshiroq tushuna boshladilar. Bularning barchasi, shubhasizki, Markaziy Osiyo davlatlarining yangi siyosiy xaritasini hosil qildi. Samarqandda haqiqatda tarixiy voqea yuz berdi", — deya o‘z nutqiga yakun yasadi Abdulaziz Kamilov.

Yangiliklar lentasi
0