TOShKENT, 4 noya – Sputnik. 1-noyabrdan 2-noyabrga o‘tar kechasi R. Tojiboyev Mirobod tumani hududida joylashgan parfumeriya buyumlari do‘koniga kirib jami bahosi 33 mln 452 ming so‘mlik mol-mulkni o‘g‘irlab, jinoyat joyidan yashiringan. Bu haqda Toshkent shahar IIBB matbuot xizmati xabar berdi.
Mazkur holat yuzasidan Mirobod tumani IIB huzuridagi Tergov bo‘limi tomonidan O‘zbekiston Jinoyat kodeksining 169-moddasi 2-qismi “b, g” bandlari (o‘g‘irlik, ya’ni ancha miqdorda, omborxona va boshqa xonaga g‘ayriqonuniy ravishda kirib, o‘zganing mol-mulkini yashirin ravishda talon-toroj qilish) alomatlari bilan jinoyat ishi qo‘zg‘atilgan.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
