TOShKENT, 3-avgust — Sputnik. Bishkek — Baliqchi trassasida yirik YTH yuz berdi, deb xabar qilmoqda Sputnik Qirg‘iziston sog‘liqni saqlash vazirligi matbuot xizmatiga tayanib.
Xabar qilinishicha, avtohalokat Issiq-Ko‘l tumanining Qizil-O‘ruk qishlog‘i hududida yuz bergan.
"Mikroavtobus va yengil mashina to‘qnashib ketgan. Mikroavtobusda o‘zbekistonlik raqqoslar jamoasi bo‘lgan. Yengil mashinada esa besh nafar yo‘lovchi bo‘lgan. Olti nafar bola va uch nafar katta yoshlilar jarohat olgan. Qurbonlar yo‘q", — deb ma’lum qildi matbuot xizmati.
Hozirda jabrlanganlarga tibbiy yordam ko‘rsatilmoqda.
Mahalliy IIB patrul boshqarmasi xodimi Sputnik Qirg‘iziston muxbiriga mazkur YTH haqida ma’lumotga ega emasligini bildirgan.
