Samarqandda "Inturist" mehmonxonasi buzilmoqda

TOShKENT, 30-iyun — Sputnik. Samarqandda "Inturist" mehmonxonasi buzilmoqda, deb xabar qildi stv.uz.

"Samarqand shahridagi bulvar markazida joylashgan "Inturist" mehmonxonasi buzilmoqda. Bino allaqachon avariya holatida deb baholangan va 11-yildan buyon faoliyat yuritmagan. Vazirlar Mahkamasi qaroriga binoan buzilish ishlari bundan o‘n kun oldin boshlab yuborilgan. Mehmonxona o‘rnida qanday bino qurilishi haqida hech qanday ma’lumot yo‘q", — deyiladi xabarda.

Qachonlardir o‘ta qulay deb hisoblangan, o‘tgan asrda barpo etilgan mehmonxona bugungi kunda zamon talablariga mutlaqo javob bermay qo‘ygani aytilmoqda. Shu bois, binoni buzish taklifi yaqinda Samarqand viloyatiga uyushtirgan safarida Shavkat Mirziyoyev tomonidan aytilgan edi.

Mehmonxonani buzish ishlari o‘n kundan buyon "Buran quruvchi servis" qurilish kompaniyasi tomonidan amalga oshirib kelinmoqda. Viloyat hokimiyati ma’lumotlariga ko‘ra, qurilish tashkilotlaridan turar joy binosi, favvorali bog‘ qurish kabi takliflar kelib tushmoqda. Shuningdek, mehmonxonani qaytadan qurish taklifini bildirganlar ham bo‘lgan.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.