Tojikistonda ayrim darslar rus tilida o‘tiladi

TOShKENT, 16 fev — Sputnik. Tojikiston rus tili maqomini oshirish, til muhitini kengaytirish ishlariga qo‘l urdi.

Sputnik Tojikiston nashri xabariga ko‘ra, mamlakat Ta’lim va fan vazirligi Tojikistondagi maktablarda jismoniy tarbiya va mehnat darslari rus tilida o‘tilishi imkonini ko‘rib chiqmoqda.

Tojikiston prezidenti qoshidagi Ta’lim akademiyasi vitse-prezidenti Irina Karimovaning so‘zlariga ko‘ra, ayni vaqtda mamlakatda 400 nafar rus tili o‘qituvchisi yetishmayapti, bundan tashqari rus tili nutqi kamayib ketishi muammosi ham dolzarb bo‘lib turibdi.

"Mamlakatdagi rusiyzabon aholi migratsiya qilishi oqibatida rus tilida so‘zlashishga ehtiyoj ham yo‘qoldi. Shunday holat yuzaga keldiki, rus sinflarida tahsil oladigan o‘quvchilar o‘z tengdoshlari bilan tojik tilida so‘zlasha boshladilar", — dedi Karimova.

Bundan tashqari, Tojikiston hukumati tojik alifbosiga "S" harfini qaytarish imkonini o‘rganmoqda. Hozirda Tojikiston FA Til va adabiyot institutida tegishli loyiha ko‘rib chiqilmoqda, deb yozgan nashr.