Kuba parlamenti Fidel Kastroga haykal o‘rnatishni ta’qiqladi

TOShKENT, 28 dek — Sputnik. Kubada ko‘chalarga Kastro nomini berish va Fidelga haykal o‘rnatish ta’qiqlandi, deb xabar qilmoqda RIA Novosti.

Ta’kidlanishicha, Kuba xalq hukumati milliy assambleyasi (respublika parlamenti) Kuba inqilobi yetakchisi Fidel Kastroga haykal o‘rnatish, mamlakat maydon va ko‘chalariga uning nomini berish yoxud Kastro nomidan tujjorlik faoliyatida foydalanishni ta’qiqlovchi qonunni bir ovozdan qabul qilgan.

Qabul qilingan hujjat muqaddimasida ta’kidlanganidek, qonun Fidel Kastro irodasiga mos keladi.

Hujjatga ko‘ra, Kuba inqilobi yetakchisi nomidan "tashkilotlar, maydonlar, ko‘chalar va boshqa jamoat joylarini nomlashda foydalanish ta’qiqlanadi". Qonunda shuningdek, har qanday unvon va mukofotlarga Kastro nomini bernish ham man qilingan.

"Fidel kastro siymosidan monumentlar, bustlar, haykallar va boshqa xotira obyektlarini qad roslashda hamda tijorat maqsadlarida foydalanish ta’qiqlanadi" deya qo‘shimcha qilingan qonunda.

Shu bilan bir vaqtda, qabul qilingan qonunchilik loyihasi Komandante siymosidan adabiy asarlarda foydalanishni cheklamaydi.

Cubadebate sayti xabariga ko‘ra, Fidel Kastro nomi va siymosidan foydalanishni ta’qiqlovchi qonun ayni vaqtda Kubadagi korxonalar, maktablar va universitetlarni bezab turgan Kastro tasvirlangan suratlar va plakatlarga joriy etilmaydi.

Nashr xabariga ko‘ra, Fidel Kastro nomi faqatgina uning merosini o‘rganish bilan shug‘ullanish maqsadida yaratiladigan biron bir tashkilotga berilishi mumkin, xolos.