O‘zbeklar qat’iyatli va kuchli fe’l atvorga ega xalq - Xitoy

© Sputnik / Valeriy Melnikov / Mediabankka o‘tishO‘zbekistonda Prezident saylovlaridan keyingi holat
O‘zbekistonda Prezident saylovlaridan keyingi holat - Sputnik O‘zbekiston
Obuna bo‘lish
Xitoy xalqaro radiosining veb-sahifasida mamlakatimizda bo‘lib o‘tgan Prezident saylovi mavzusiga bag’ishlangan maqola e’lon qilindi. Maqolada O‘zbekistonda Prezident saylovining muvaffaqiyatli o‘tgani Markaziy Osiyoda barqarorlik va xavfsizlikning muhim kafolati hisoblanishi qayd etilgan

TOShKENT, 9 dek — Sputnik. Xitoy xalqaro radiosining veb-sahifasida e’lon qilingan maqola Xitoy Ijtimoiy fanlar akademiyasining Rossiya, Sharqiy Yevropa va Markaziy Osiyo instituti katta ilmiy xodimi Su Chan qalamiga mansub.

Maqolada O‘zbekistonda ushbu muhim siyosiy tadbir muvaffaqiyatli o‘tgani Markaziy Osiyoda barqarorlik va xavfsizlikning muhim kafolati hisoblanishi qayd etilgan, deb yozgan "Jahon" AA.

Shavkat Mirziyoyev - Sputnik O‘zbekiston
Shavkat Mirziyoyev – O‘zbekistonning yangi Prezidenti
"O‘zbekiston siyosiy jarayonlarning yangi bosqichga kirdi. Prezident saylovlaridan keyin respublikaning barqaror taraqqiyotini qo‘llab-quvvatlash, jahonda hanuz davom etayotgan inqiroz oqibatlari sharoitda iqtisodiy o‘sishni saqlab qolish bilan bog‘liq masalalar mamlakat yangi rahbariyatining ustuvor vazifalari qatoridan joy oladi", deb yozadi muallif.

Xitoy xalqaro radiosi alohida ta’kidlaganidek, O‘zbekiston o‘z taraqqiyot yo‘lini tanlagan, "siyosiy tizim milliy manfaatlar hisobga olingan holda shakllangan, islohotlarning milliy modeli esa bozor iqtisodiyotiga asoslangan. Ko‘pgina yo‘nalishlarda yuqori natijalarni namoyon etayotgan farovon O‘zbekiston rivojlanishning yangi tarixiy bosqichiga kirmoqda".

Shuningdek, mazkur maqolada o‘zbek xalqi mustahkam, qat’iyatli va kuchli fe’l-atvorga ega ekanligi ham qayd etilgan.

Shavkat Mirziyoyev - Sputnik O‘zbekiston
O‘zgarishlar ostonasidagi O‘zbekiston
"Mamlakat hududida yashab o‘tgan buyuk siymolar jahon ilm-fani va madaniyatining taraqqiyotiga ko‘maklashgan. O‘zbek tojirlari Sharq va G‘arb o‘rtasidagi hamkorlikning rivojiga alohida hissa qo‘shganlar", deb yozadi xitoylik ekspert.

Yuqoridagilar bilan birga, muallif Xitoy Xalq Respublikasi va O‘zbekiston Respublikasi o‘rtasidagi o‘zaro munosabatlar masalasiga ham alohida e’tibor qaratgan. U ikki mamlakat o‘rtasidagi aloqalar o‘zaro ishonch va hurmat asosida tobora rivojlanib borayotganini e’tirof etar ekan, O‘zbekiston Xitoyning do‘sti va ishonchli sherigi bo‘lgan va shunday bo‘lib qolaverishini, amaldagi kelishuvlarga binoan, ikki tomonlama hamkorlik yanada mustahkamlanishiga komil ishonch bildirgan.

Yangiliklar lentasi
0