TOShKENT, 5 noya – Sputnik. "Yevroosiyo integratsiyasi o‘lchovlari: transport va logistika, energetika va oziq-ovqat xavfsizligi" mavzusida II Xalqaro ilmiy-amaliy konferensiya bo‘lib o‘tdi. Bu haqda Yevroosiyo iqtisodiy komissiyasi (YeIK) matbuot xizmati xabar berdi.
Yalpi majlisda YeIKning Bojxona hamkorligi bo‘yicha hay’ati a’zosi Ruslan Davidov chiqish qildi.
️U o‘z nutqida bojxona ma’muriyatchiligi yangi "Shimol–Janub" va "Sharq–G‘arb" xalqaro transport-logistika yo‘laklarini rivojlantirishning asosiy omili ekanini qayd etib, YeOIIning global Janub mamlakatlari bilan tovar aylanmasini oshirishda muhim vosita bo‘lishini ta’kidladi.
Davidovning aytishicha, 2026-yil 11-fevraldan boshlab YeOII hududida yuk tashish jarayonlarini kuzatish uchun elektron navigatsiya plombalari joriy etiladi.
Ushbu ilg‘or texnologiyalar Yevroosiyo integratsiyasining yangi bosqichiga qadam qo‘yishi, savdo jarayonlarini tezlashtirish va nazorat tartiblarini soddalashtirishga xizmat qilishi aytib o‘tildi.