TOShKENT, 29 okt – Sputnik. Toshkent shahrida bo‘lib o‘tgan muzokaralar yakunida O‘zbekiston prezidenti Shavkat Mirziyoyev va Serbiya prezidenti Aleksandr Vuchich Qo‘shma deklaratsiyani imzoladilar. Bu haqda prezident matbuot xizmati xabar berdi.
Yetakchilar huzurida hukumatlararo va idoralararo hujjatlar to‘plamini qabul qilish marosimi ham bo‘lib o‘tdi. Jumladan:
Investitsiyalarni o‘zaro rag‘batlantirish va himoya qilish to‘g‘risida bitim;
Iqtisodiy hamkorlik to‘g‘risida bitim;
Tibbiy xizmatlar sohasidagi hamkorlik to‘g‘risida bitim;
Turizm sohasidagi hamkorlik to‘g‘risida bitim;
Ta’lim, fan va madaniyat sohalaridagi hamkorlik to‘g‘risida bitim;
Muhandislik, ilg‘or texnologiyalar, sun’iy intellekt va turdosh sohalardagi hamkorlik to‘g‘risida bitim;
Diplomatik kadrlar tayyorlash sohasidagi hamkorlik to‘g‘risida bayonnoma;
Tashqi ishlar vazirliklari o‘rtasidagi hamkorlik bo‘yicha 2026-2027 yillarga mo‘ljallangan dastur;
Mehnat migratsiyasi sohasidagi hamkorlik to‘g‘risida memorandum;
Sport va jismoniy tarbiya sohasidagi hamkorlik to‘g‘risida bayonnoma;
Toshkent va Belgrad shaharlari o‘rtasida sheriklik munosabatlarini o‘rnatish to‘g‘risida bitim.
Prezidenti Uzbekistana i Serbii podpisali Sovmestnuyu deklaratsiyu
© Press-slujba prezidenta Uzbekistana
Shuningdek, muzokaralar yakunida Ko‘ksaroy qarorgohida daraxt ekish marosimi bo‘ldi.
Faxriy mehmonlar xiyobonida Shavkat Mirziyoyev va Aleksandr Vuchich mamlakatlar do‘stlik hamda sheriklik munosabatlarini mustahkamlashga, ikki tomonlama munosabatlar tarixida yangi sahifa ochishga mushtarak intilish ifodasi sifatida daraxt ekdilar.