TOShKENT, 12-iyun — Sputnik. O‘zbekiston prezidenti yordamchisi Saida Mirziyoyeva Qoraqalpog‘iston kelajagi eng muhim milliy ustuvor yo‘nalishlardan biri ekanini aytdi, deya xabar berdi Sputnik O‘zbekiston muxbiri.
Saida Mirziyoyeva
© Sputnik
Saida Mirziyoyeva Toshkent xalqaro investitsiya forumi doirasidagi sessiyada ishtirok etdi. Uning so‘zlariga ko‘ra, allaqachon maxsus davlat dasturlari ishga tushirilgan, budjetlar ajratilgan va muvofiqlashtiruvchi guruhlar tuzilgan.
Mirziyoyeva viloyat turizm, toza energiya, qishloq xo‘jaligi va sanoat sohalarida noyob salohiyatga ega ekanini ta’kidladi.
Boston Consulting Group kompaniyasi bilan hamkorlikda Qoraqalpog‘iston Respublikasini 2035-yilgacha rivojlantirish strategiyasi ishlab chiqildi.
“Biz mintaqaning kuchli tomonlariga tayanamiz: toza energiya va tabiiy gaz sohasidagi salohiyat, unumdor yerlar va qishloq xo‘jaligi istiqbollari, shuningdek, barqaror turizm uchun mustahkam poydevor yaratadigan boy madaniy meros”, — deya u investorlarni hudud imkoniyatlarini shaxsan borib ko‘rish va imkoniyatlarni baholashga chaqirdi.