TOShKENT, 5-iyun — Sputnik. Yevroosiyo iqtisodiy ittifoqi (YeOII) va ASEAN o‘rtasidagi samarali hamkorlik Yevroosiyoda logistikani rivojlantirish uchun harakatlantiruvchi omil, dedi Yevroosiyo iqtisodiy komissiyasining (YeIK) energetika va infratuzilma vaziri Arzibek Kojoshev.
YeIKning Moskvadagi shtab-kvartirasi va Jakartadagi ASEAN kotibiyati o‘rtasida teleko‘prik rejimida tadbir bo‘lib o‘tdi.
“YeOII va ASEAN mamlakatlari o‘ziga xos geografik va geoiqtisodiy mavqega, yuqori tranzit va sanoat salohiyatiga ega. Janubi-Sharqiy Osiyoning jadal rivojlanayotgan bozorlari hamda transport va logistika ta’minotidagi o‘zgarishlarni hisobga olgan holda, logistika xablarini yaratish, transport yo‘laklari va multimodal transportni rivojlantirish bo‘yicha sa’y-harakatlarni muvofiqlashtirish muhim vazifa hisoblanadi”, — dedi Arzibek Kojoshev.
Seminar ishtirokchilari integratsiya birlashmalarida transport sohasini tartibga solishning institutsional asoslari, integratsiya jarayonlarining zamonaviy tendensiyalari bo‘yicha ma’lumotlar taqdim etdilar hamda transport sohasini raqamlashtirish, infratuzilma va logistikani rivojlantirishning natijalari va istiqbolli yo‘nalishlarini muhokama qildilar.