Asosiy e’tibor 2025-yil yanvar oyida qabul qilingan O‘zbekiston prezidenti qaroriga qaratildi. Ushbu qaror aholi bandligini yaxshilash, tadbirkorlikka jalb qilish va daromadlarini oshirishga qaratilgan.
Spikerlar sifatida O‘zbekiston Kambag‘allikni qisqartirish va bandlik vazirligi departamenti rahbari o‘rinbosarlari Muxtor Shonazarov va Shohrux Muhamedov ishtirok etdi.
Ular hududlarda ish o‘rinlari yaratish, muhtoj aholi qatlamlari bilan manzilli ish tashkil etish va mahallalarda ijtimoiy xizmatlarni kengaytirish bo‘yicha joriy etiladigan yangi yondashuvlar haqida so‘z yuritishdi.
Shonazarov 2025-yilda 5,2 million kishini ish bilan ta’minlash rejalashtirilganini, buning uchun 126 trillion so‘m yo‘naltirilishini ma’lum qildi.
Muhamedov xorijda mehnat qilayotgan fuqarolarni o‘z vataniga qaytarish va joylashtirish maqsadida O‘zbekistonning barcha hududlarida koll-markazlari tashkil etilishini ta’kidladi.
Matbuot anjumani yakunida vazirlik vakillari jurnalistlarning savollariga javob berdi.
Matbuot anjumanining to‘liq videosini ushbu havola orqali tomosha qilishingiz mumkin.
