O‘zbekistonda shu kungacha prezidentlikka nomzodlar kim bo‘lgan va ular hozir qayerda?

1991 yil dekabr oyida O‘zbekistonda bo‘lib o‘tgan prezident saylovida Islom Karimov 86 foiz ovoz to‘plab, g‘alaba qozongan.

2000 yil 9-yanvar

Prezident saylovida Fidokorlar milliy demokratik partiyasidan Islom Abdug‘aniyevich Karimov va O‘zbekiston Xalq Demokratik partiyasidan Abdulhafiz Maraximovich Jalolov nomzodlari ilgari surilgan.

Nomzodlarning saylovdagi natijalari:

Islom Karimovga 11 mln 147 ming 621 saylovchi (91,90%) ovoz bergan.

Abdulhafiz Jalolovga 505 ming 161 saylovchi (4,71%) ovoz bergan.

Nomzodlar hozir qayerda?

Islom Karimov – O‘zbekistonning birinchi prezidenti, 2016 yil vafot etgan;

Abdulhafiz Jalolov – 1993-2001 yillarda O‘zbekiston Fanlar akademiyasi Falsafa va huquq institutiga rahbarlik qilgan. Shundan so‘ng Yuristlar malakasini oshirish markazi hamda Oliy pedagogika instituti professori lavozimlarida ishlagan. 2019-yil vafot etgan.

2007 yil 23-dekabr

Prezident saylovida O‘zbekiston Liberal-demokratik partiyasidan Islom Karimov, O‘zbekiston Xalq-demokratik partiyasidan Asliddin Ashurboyevich Rustamov, saylovchilar tashabbuskor guruhidan ko‘rsatilgan nomzod Akmal Xolmatovich Saidov, O‘zbekiston "Adolat" sotsial-demokratik partiyasidan Dilorom G‘ofurjonovna Toshmuhamedova nomzodlari ilgari surilgan.

Nomzodlarning saylovdagi natijalari:

Islom Karimovga 13 mln 8 ming 357 nafar saylovchi (88,1%) ovoz bergan;

Asliddin Rustamovga 468 ming 64 nafar saylovchi (3,17%) ovoz bergan;

Akmal Saidovga 420 ming 815 nafar saylovchi (2,85%) ovoz bergan;

Dilorom Toshmuhamedovaga 434 ming 111 nafar saylovchi (2,9%) ovoz bergan.

Nomzodlar hozir qayerda?

Islom Karimov – O‘zbekistonning birinchi prezidenti, 2016 yil vafot etgan;

Asliddin Rustamov – 2007-2012 yillarda Oliy Majlis Qonunchilik palatasi Spikerining o‘rinbosari bo‘lgan. Hozirda O‘zbekiston “O‘zbekiston sanoat-qurilish banki”da protokol boshkarmasida bosh mutaxassis lavozimida ishlaydi;

Akmal Saidov – Oliy Majlis Qonunchilik palatasi spikerining birinchi o‘rinbosari;

Dilorom Toshmuhamedova – Oliy Majlis Senatining Yoshlar, madaniyat va sport masalalari qo‘mitasi raisi o‘rinbosari.

2015 yil 29-mart

Prezident saylovida O‘zbekiston Liberal-demokratik partiyasidan Islom Abdug‘aniyevich Karimov, O‘zbekiston "Milliy tiklanish" demokratik partiyasidan Akmal Xolmatovich Saidov, O‘zbekiston Xalq demokratik partiyasidan Hotamjon Abdurahmonovich Ketmonov, "Adolat" sotsial-demokratik partiyasidan Narimon Majitovich Umarov nomzodlari ilgari surilgan.

Nomzodlarning saylovdagi natijalari:

Islom Karimovga 17 mln 122 ming 597 nafar saylovchi (90,39%) ovoz bergan;

Akmal Saidovga 583 ming 309 nafar saylovchi (2,92%) ovoz bergan;

Hotamjon Ketmonovga 552 ming 309 nafar saylovchi (2,92%) ovoz bergan;

Narimon Umarovga 389 ming 24 nafar saylovchi (2,05%) ovoz bergan.

Nomzodlar hozir qayerda?

Islom Karimov – O‘zbekistonning birinchi prezidenti, 2016 yil vafot etgan;

Akmal Saidov – Oliy Majlis Qonunchilik palatasi spikerining birinchi o‘rinbosari;

Hotamjon Ketmonov – Ta’lim sifatini nazorat qilish inspeksiyasi boshlig‘ining birinchi o‘rinbosari;

Narimon Umarov – Oliy Majlis Senatining Sud huquq masalalari va korrupsiyaga qarshi kurashish qo‘mitasi raisi.

2016 yil 4-dekabr

Prezident saylovida O‘zbekiston Liberal-demokratik partiyasidan Shavkat Miromonovich Mirziyoyev, O‘zbekiston "Milliy tiklanish" demokratik partiyasidan Sarvar Sadullayevich Otamurodov, O‘zbekiston Xalq demokratik partiyasidan Hotamjon Abdurahmonovich Ketmonov, "Adolat" sotsial-demokratik partiyasidan Narimon Majitovich Umarov nomzodlari ilgari surilgan.

Nomzodlarning saylovdagi natijalari:

Shavkat Mirziyoyevga 15 mln 906 ming 724 nafar saylovchi (88,61%) ovoz bergan;

Sarvar Otamurodovga 421 ming 55 nafar saylovchi (2,35%) ovoz bergan;

Hotamjon Ketmonovga 669 ming 187 nafar saylovchi (3,73%) ovoz bergan;

Narimon Umarovga 619 ming 972 nafar saylovchi (3,46%) ovoz bergan.

Nomzodlar hozir qayerda?

Shavkat Mirziyoyev – O‘zbekistonning amaldagi prezidenti;

Sarvar Otamurodov – Moliya institutining "Ijtimoiy fanlar" kafedrasi professor o‘qituvchisi;

Hotamjon Ketmonov – Ta’lim sifatini nazorat qilish inspeksiyasi boshlig‘ining birinchi o‘rinbosari;

Narimon Umarov – Oliy Majlis Senatining Sud huquq masalalari va korrupsiyaga qarshi kurashish qo‘mitasi raisi.

2021 yil 24-oktabr

Prezident saylovida O‘zbekiston “Adolat” sotsial-demokratik partiyasidan Bahrom Abduraximovich Abduhalimov, O‘zbekiston Ekologik partiyasidan Narzullo Naimovich Oblomuradov, O‘zbekiston “Milliy tiklanish” demokratik partiyasidan Alisher Keldiyevich Qodirov, O‘zbekiston Xalq demokratik partiyasidan Maksuda Azizovna Varisova,O‘zbekiston Liberal-demokratik partiyasidan Shavkat Miromonovich Mirziyoyev nomzodlari ilgari surilgan.

Nomzodlarning saylovdagi natijalari:

Bahrom Abduhalimovga 549 ming 766 nafar saylovchi (3,39%) ovoz bergan;

Narzullo Oblomuradovga 670 ming 641 nafar saylovchi (4,14%) ovoz bergan;

Alisher Qodirovga 888 ming 513 nafar saylovchi (5,48%) ovoz bergan;

Maqsuda Varisovaga 1 075 016 nafar saylovchi (6,63%) ovoz bergan;

Shavkat Mirziyoyevga 12 988 964 nafar saylovchi (80,12%) ovoz bergan.

Nomzodlar hozir qayerda?

Bahrom Abduhalimov – “Adolat” SDP raisi;

Narzullo Oblomuradov – Tabiat resurslari vaziri o‘rinbosari;

Alisher Qodirov – Oliy Majlis Qonunchilik palatasi Spikerining o‘rinbosari, "Milliy tiklanish" demokratik partiyasi fraksiyasining rahbari;

Maqsuda Varisova – Xalq demokratik partiyasi raisi o‘rinbosari;

Shavkat Mirziyoyev – O‘zbekistonning amaldagi prezidenti.

2023 yil 9-iyul

Muddatidan ilgari prezident saylovida ilgari surilgan nomzodlar:

Abdushukur Xudoykulovich Hamzayev – 2022-yildan O‘zbekiston Ekologik partiyasi Markaziy Kengashi Ijroiya qo‘mitasining raisi.

Inoyatov Ulug‘bek Ilyasovich – O‘zbekiston Respublikasi Oliy Majlisi Qonunchilik palatasi Spikerining o‘rinbosari - O‘zbekiston Xalq demokratik partiyasi fraksiyasining rahbari.

Mahmudova Robaxon Anvarovna – O‘zbekiston Oliy sudi raisining birinchi o‘rinbosari – ma’muriy ishlar bo‘yicha sudlov hay’ati raisi. Ayni vaqtda sudyalik vakolatlari to‘xtatilgan.

Shavkat Miromonovich Mirziyoyev – O‘zbekistonning amaldagi prezidenti.