TOShKENT, 26 apr — Sputnik. Rossiyaning “AvtoVAZ” kompaniyasi O‘zbekistonda yangi avlod Lada Vesta avtomobillarini ishlab chiqarishni tashkil etishga va yiliga 15 ming dona ushbu rusumdagi avtomobillarni ishlab chiqarishga tayyor. Biroq kompaniyaning maqsadi yiliga 30 ming dona Lada avtomobili ishlab chiqarishni yo‘lga qo‘yish va O‘zbekiston bozorining 10 foizini egallashdir. Bu haqda jurnalistlarga “AvtoVAZ” prezidenti Maksim Sokolov ma’lum qildi.
“Aslida, biz strategik hamkorlikka e’tibor qaratmoqdamiz. Biz flagman mahsulotimiz – Lada Vesta NG’ni ishlab chiqarish uchun beramiz, buu yerda stendda taqdim etilgan. Yaqin kelajakda ishlab chiqarishni qayta tiklashga tayyormiz. Asosiysi, hamkorlarimiz yiliga 15 mingta avtomobil ishlab chiqarishni qayta tiklashga tayyor. Umuman olganda, bizning maqsadimiz yiliga 30 ming avtomobil, ya’ni O‘zbekiston bozorining taxminan 10 foizi”, - dedi Sokolov.
Kompaniya rahbarining ta’kidlashicha, gap nafaqat Lada Vesta, balki boshqa modellar, xususan, Lada Granta ishlab chiqarish haqida ketmoqda.
2021 yil sentabr oyida “AvtoVAZ” O‘zbekistonning Roodell kompaniyasi bilan birgalikda “Jizzax” erkin iqtisodiy zonasida joylashgan ADM Jissakh zavodida Lada avtomobillarini seriyali yig‘ishni boshladi. Keyinchalik ishlab chiqarish to‘xtatildi.