TOShKENT, 22 fev — Sputnik. Hindistonda o‘zbek-hind hamkorligida o‘quv mashg‘uloti boshlandi. Bu haqda Mudofaa vazirligi xabar berdi.
“Do‘stlik-2023” birgalikdagi o‘zbek-hind o‘quvi Pitxoragarx shahridagi tog‘li hududda joylashgan Garhwal Rifles 14-batalonida o‘tkazilmoqda. Unda O‘zbekistondan 45 nafar harbiy xizmatchi qatnashmoqda.
© Ministerstvo Oboroni Uzbekistana
Tadbirda Garhwal Rifles 32-brigada komandiri brigadir Mayank Vaid va Mudofaa vazirligi mas’ul ofitseri podpolkovnik Shavkatjon Sarmonqulov so‘zga chiqishdi.
© Ministerstvo Oboroni Uzbekistana
Tantanali tadbirdan so‘ng ikki mamlakat harbiy kontingenti vakillari uchun brifing hamda jamoaviy suratga tushish tadbirlari tashkil etildi.
© Ministerstvo Oboroni Uzbekistana
O‘quv mashg‘ulotining ilk kunidan ishtirokchilarga Hindiston davlatining tarixi, madaniyati, hududiy bo‘linishi, urf-odat va an’analari, harbiy salohiyati va mudofaa qudrati, armiyaning tashkiliy tuzilmasi haqida ma’lumot berildi.
© Ministerstvo Oboroni Uzbekistana
Shundan keyin hamkorlikdagi o‘quv mashg‘uloti ishtirokchilari uchun Hindiston qurolli kuchlarida foydalaniladigan qurol-aslahalar tanishtirildi.
© Ministerstvo Oboroni Uzbekistana
Mashg‘ulotlar doirasida o‘tkaziladigan tadbirlar:
Ikki davlat harbiy xizmatchilarining shartli terroristik guruhlarini qidirib topish
Yo‘q qilish;
Tog‘li to‘siqlarni yengib o‘tish hamda tog‘li o‘rmon sharoitlarida jangovar operatsiyalarni bajarish;
Maxsus vazifalar;
Sport va madaniy-ma’rifiy tadbirlar.
Hamkorlikdagi o‘quvlar 5-mart kuniga qadar davom etadi.