TOShKENT, 24 avg — Sputnik. UzAuto Motors kompaniyada yangi direktor - avtomobilsozlik sohasida dunyodagi top-menejeri Bu Andersson. U xarajatlarni optimallashtirish, ehtiyot qismlarni yuqori darajada sifatli yetkazib berish va ishlab chiqarishni rivojlantirish bilan shug‘ullanadi.
Mashhur shved mutaxassisi O‘zbekistonning konservativ bozoriga nima olib kelishi mumkin, AvtoVAZ va GAZ undan nima uchun minnatdor, Sputnik muxbiri mustaqil avtoekspert Aleksey Sharapov va "Avtostat" tahlil agentligining sherigi Igor Morjaretto, u Anderssonni shaxsan taniydi, bilan suhbatlashdi.
Bu Anderssson nima uchun O‘zbekistonga taklif qilindi?
2018 yildan beri UzAuto Motors keng ko‘lamli o‘zgarishlarni boshdan kechirmoqda, ularning maqsadi zarar ko‘rayotgan biznesni barqaror daromadga aylantirish. Zavod imtiyozlar oldi va davlat tomonidan soliqlardan ozod qilindi. Biroq hozircha eksportga ketayotgan avtomobillar ichki bozorga qaraganda arzonroq sotilmoqda.
O‘zbekistonlik mutaxassislarning fikricha, Andersson kompaniyaga ishlab chiqarishni modernizatsiya qilish va logistika va yarimo‘tkazgichlar tanqisligi bilan bog‘liq inqirozni yengishga yordam bera oladi.
"U haqiqiy professional. Uning tarjimai holida "uddalay olmagan" degan joy yo‘q. Agar ot bilan aravani chiqarish kerak bo‘lsa, UzAuto ot bilan aravani chiqaradi", - deydi Aleksey Sharapov.
Mutloq professional, lekin diplomat emas
2009 yildan 2013-yilgacha Andersson Rossiyaning GAZ avtomobil zavodini boshqargan, u yerda o‘zining samaradorligini ko‘rsatdi. Keyinchalik u AvtoVAZ prezidenti lavozimiga tayinlandi, u yerda ishlab chiqarishni ko‘paytirdi. Shved mutaxassisi juda qattiqqo‘l xarakterga ega, deydi avtoekspertlarimiz, lekin biznesda uning tengi yo‘q.
"Bu Andersson davrida GAZ muhim qadam qo‘ydi: u arzon, ishonchsiz GAZelldan zamonaviy “GAZel Biznes” va “GAZel NEXT” modellariga o‘tdi", - deydi Igor Morjaretto.
Shved menejeri boshchiligida “GAZ Grupp”, so‘nggi yillarda duch kelgan sanksiyalarga qaramay, Rossiya Federatsiyasida tijorat avtomobillarini ishlab chiqaruvchi eng yirik kompaniyalarga qarshi tura oldi. 2012-yilda kompaniya Xalqaro moliyaviy hisobot standartlari (IFRS) bo‘yicha 8,8 milliard rubl sof foyda oldi, bu 2011-yilga nisbatan 3,5 foizga ko‘p.
AvtoVAZda ikki yillik ish paytida Andersson ishlab chiqarishni to‘liq o‘zgartirdi, yoqimsiz yetkazib beruvchilardan xalos bo‘ldi va jiddiy ishonchli sheriklarni olib keldi. Ammo prinsipial shved sobiq sheriklari bilan til topisha olmadi, shuning uchun u boshlagan ishini oxirigacha bajarmay konsernni tark etdi.
"U armiyacha boshqaradi, bu o‘z vaqtida GAZ va AvtoVAZni qutqardi. Menimcha, u qo‘yilgan har qanday biznes, shubhasiz, rivojlana boshlaydi, lekin uning do‘stlari bo‘lmaydi", - deydi Aleksey Sharapov.
Eslatib o‘tamiz, shved top-menejeri qo‘l ostida Lada Vesta avtomashinalari chiqarildi, u hatto G‘arbda ham tan olindi.
Andersson O‘zbekistoda nima bilan ishlashga to‘g‘ri keladi – bu Sharqda g‘arbcha yondashuv.
Igor Morjarettoning so‘zlariga ko‘ra, Anderssonni o‘zbek avtokonserni rahbari yetib tayinlash masalasida, shved mutaxassisi uchun munosabatlar tizimi nuqtayi nazaridan qiyin mamlakat bo‘ladi. Avtomobil ekspertining ta’kidlashicha, O‘zbekistonda har xil toifadagi va ta’sir o‘tkazish guruhlarining manfaatlari bilan hisoblashish kerak va Andersson esa bu jihatdan unchalik ustomon rahbar emas.
"Men Anderssonni tabriklayman, lekin unga qiyin bo‘ladi. Sharqda an’anaviy tarzda milliy korxonalarni boshqaradigan chet elliklardan ehtiyot bo‘lishadi", - deydi Igor Morjaretto.
Shu bilan birga, Aleksey Sharapov ta’kidlashicha, shved mutaxassisi uchun qaysi kompaniyada va qaysi mamlakatda ishlash muhim emas, modellar assortimentining dolzarbligi ham muhim emas, asosiysi, bu odam “avtomobil sanoatidagi bardak bilan qanday kurashishni biladi".
Bu Andersson 2013 Xalqaro Rossiya avtomobil forumida "Rossiya avtomobilsozlik sanoatining jahon avtomobilsozlik sanoatiga integratsiyalashuviga qo‘shgan hissasi uchun" mukofotiga sazovor bo‘ldi va Adam Smit xalqaro avtomobil sanoati forumida Rossiya avtomobilsozligida "2010 yilning eng yaxshi rahbari" deb tan olindi.