TOShKENT, 30-iyul — Sputnik. So‘nggi sutka davomida Afg‘oniston HHK "Tolibon" (Rossiyada ta’qiqlangan) harakatining ellikdan ortiq jangarilarini yo‘q qilishga muvaffaq bo‘ldi, deb xabar qilmoqda Afg‘oniston mudofaa vazirligi matbuot-markazi.
""Hirot provinsiyasining Guzara, Karux va Siavashan uyezdlariga jangarilar hujumlarini qaytarish davomida hukumat kuchlari tomonidan jangovar aviatsiya ko‘magida 52 tolib o‘ldirildi va yana 47 tasi yaralandi", - deyiladi xabarda.
Bundan tashqari, Mudofaa vazirligi ko‘plab qurol-yaroq, o‘q-dorilar va texnikalar yo‘q qilinganligini xabar qilmoqda.
Idora xabariga ko‘ra, og‘ir yo‘qotishlarga qaramay, jangarilar avvalgidek mamlakat g‘arbidagi uyezdlar ustidan yo‘qotilgan nazoratni qaytarishga urinishlardan voz kechmayapti.
Hirot hokimiyatining xabariga ko‘ra, toliblar Karux uyezdiga hujum uyushtirish uchun qo‘shni provinsiyalardan o‘z tarafdorlarini to‘plashgan.
Bu uyezd Afg‘oniston hukumat kuchlari tomonidan 23-iyul kuni toliblardan tortib olingan va o‘sha vaqtdan buyon jangarilar uni o‘z nazorati ostiga olish bo‘yicha harakatlarni to‘xtatmayaptilar.
Afg‘oniston milliy armiyasi 207 "Zafar" korpusi qo‘mondoni Xayal Nabiy Axmadzay o‘z vazifalariga terroristik hujumlarni jilovlash, jinoyatchilikning oldini olish va Hirot xavfsizligini ta’minlash singari masalalar kirishini ma’lum qildi.