TOShKENT, 27 apr — Sputnik. Toshkent viloyati Nurafshon shahridagi ikki qavatli uylardan birida gaz-havo aralashmasi chaqnashi sodir bo‘ldi. Bu haqda FVV matbuot xizmati xabar qilmoqda.
Hodisa 27-aprel kuni soat 11:40 da “Obod turmush” MFYda joylashgan uyda sodir bo‘lgan. Buning oqibatida binoning 2-qavatiga jiddiy zarar yetgan.
Hodisada bir nafar fuqaro vafot etgan. Portlash tabiiy gazning sizib chiqishidan kelib chiqqanligi taxmin qilinmoqda.
Hozir FVV qutqaruvchilari voqea joyida ishlamoqda. Surishtiruv ishlari olib borilmoqda.