TOShKENT, 29 mar — Sputnik. Samarqand shahrida to‘rt kishi is gazidan zaharlanib vafot etdi.
Samarqand viloyati prokuraturasi ma’lumotlariga ko‘ra, hodisa 28-mart kuni soat taxminan 11:00 larda ro‘y bergan. Samarqand shahri M.Shayxzoda MFYda vaqtincha yashovchi 5 nafar fuqaro xonadonda o‘rnatilgan isitish pechi (golland pechi)dan is gazi ajralib chiqishi natijasida zaharlangan.
Natijada 4 nafar fuqaro vafot etgan, 1 nafari esa kuchli zaharlanish alomatlari bilan shahardagi kasalxonaga yotqizilgan.
Samarqand shahar prokuraturasi tergovga qadar tekshiruv harakatlarini olib bormoqda.