TOShKENT, 24 fev — Sputnik. Rossiyalik ish beruvchilarning yarmidan ko‘pi uzoq istiqbolda to‘rt kunlik ish kuniga o‘tishlari mumkinligini istisno etmayapti, deya aniqlik kiritmoqda "Rabota.ru" servisi.
Servis o‘z tadqiqotlarini RIA Novostiga taqdim etgan.
Ma’lum bo‘lishicha, tadqiqotda Rossiyaning barcha regionlaridan bir mingta rus kompaniyalari vakillari ishtirok etgan. So‘rov joriy yilning fevral oyida o‘tkazilgan.
Servis avvalo ish beruvchilarga ular ish haftasi to‘rt kungacha qisqartirilishiga qanday qarashlari haqida savol bergan. Ma’lum bo‘lishicha, Rossiya kompaniyalarining so‘rovda qatnashgan vakillarining 42 %i ushbu g‘oyani salbiy baholaganlar, 20 foizi neytral munosabatda bo‘lgan, 38 foizi esa qo‘llab-quvvatlagan.
Keyingi savolda respondentlarning olti foizi yaqin kelajakda shunday tartibdagi ish haftasiga o‘tishni rejalashtirayotganini ma’lum qilishgan, 53 foizi esa uzoq istiqbolda ish kunlarining qisqartirilishiga tayyorligini qayd etganlar.
Shu bilan birga, respondentlarning 41 foizi buni hatto uzoq istiqbolda umuman rejalashtirmayotganliklarini ma’lum qilganlar.
So‘rovda ishtirok etgan biznes vakillari to‘rt kunlik ish haftasining ijobiy va salbiy tomonlarini sanab o‘tganlar.
Xususan, respondentlarning yarmi ishchilar oila davrasida ko‘proq vaqt o‘tkaza olishlari mumkinligini qayd etishgan bo‘lsa, ish beruvchilarning uchdan bir qismi ish haftasining qisqartirilishi jamoani charchoqdan va ishdan ko‘ngil sovishidan himoyalaydi, deya fikr bildirgan.
Yana 24 foizi ishchilar ish vaqtidan samarali foydalanishni boshlashini qayd etgan bo‘lsa, 15 foizi - ishchilar o‘z malakasini oshirishlari uchun ko‘proq vaqt bo‘lishini ta’kidlagan.
Shu bilan birga, so‘rovda ishtirok etganlarning 34 foizi qisqartirilgan ish haftasidan biron bir afzallik ko‘rmayotganini ma’lum qilgan.
Shu bilan birga, Rossiya ish beruvchilarining 56 foizi ish haftasining qisqartirilishi oylik maoshlar kamaytirilishi bilan bog‘liq bo‘lishiga ishonch bildirgan. Ish beruvchilarning qirq foizi kompaniya mehnat unumdorligi pasayishidan havotirlanmoqda, uchdan bir qismi - mehnat intizomi pasayib ketishidan. O‘n to‘qqiz foizi yuzaga kelishi mumkin burokratik murakkabliklarni qayd etib o‘tgan. Yana yetti foiz respondentlar xodimlar haftasiga to‘rt kun ishlab ko‘proq toliqishi mumkin, deya hisoblamoqda. Biznes vakillarining o‘n bir foizi to‘rt kunlik mehnat haftasida hech qanday nuqson ko‘rmayapti.