TOShKENT, 27 okt — Sputnik. Rospotrebnadzor rossiyaliklarga odam gavjum joylarda, transportda, parkovka va liftlarda niqob taqib yurishni buyurdi. Tegishli qaror 28-oktabrdan kuchga kiradi.
Shuningdek, Rossiya bo‘ylab ko‘ngilochar tadbirlar o‘tkazish va restoranlarning soat 23:00 dan soat 06:00 gacha ishlashini taqiqlash tavsiya qilindi.
Transport, taksi, do‘konlar, restoranlar va teatrlarda dezinfeksiya ishlarini amalga oshirish kuchaytirilishi kerak. Mintaqalar koronavirusga test o‘tkazish hajmini oshirishlari zarur.
So‘nggi ma’lumotlarga ko‘ra, Rossiyada koronavirus bilan kasallanganlar soni 1,5 milliondan oshgan. Shulardan 1,1 millioni tuzalib ketgan. 26,5 mingdan ziyod kishi virus qurboniga aylangan.