TOShKENT, 17 okt - Sputnik. O‘zbekistonning 11 hududda yana 125 kishi Covid-19 infeksiyasini yuqtirdi, deb xabar bermoqda Sog‘liqni saqlash vazirligi matbuot-xizmati.
Mamlakatda jami kasallanganlar soni 62 809 nafarni tashkil etmoqda.
Shu bilan birga, 2 nafar koronavirusga chalingan bemor vafot etgan.
Ayni paytda O‘zbekistonda 59 756 nafar koronavirus infeksiyasiga chalingan fuqarolar (95 foiz) sog‘aygan.
Eslatib o‘tamiz, 2020-yil 17 oktabr holatiga ko‘ra, dunyoda 39 587 005 koronavirusga chalinish holatlari qayd etilgan. Yer yuzida so‘nggi sutka davomida 108 350 kishi infeksiyani yuqtirgan.
Infeksiyadan dunyoda 1 109 130 kishi vafot etgan, bir sutka davomidagi o‘limlar soni 2 145 nafarni tashkil qilgan.