TOShKENT, 22 sen - Sputnik. LDPR yetakchisi Vladimir Jirinovskiy u yuz yillik yubileyini nishonlagan paytida Amerika Qo‘shma Shtatlari davlat sifatida yo‘q bo‘ladi, deya fikr bildirdi, deb xabar qilmoqda RIA Novosti.
Parlamentariy sal oldin AQSh prezidenti Donald Tramp Rossiya gipertovushli raketa g‘oyasini o‘g‘irlagani haqida gapirganini esladi.
"Tramp, yaratgan ixtirolaring tarixiga bir nazar sol. Ularning barchasini yahudiylar, nemislar va ruslar yaratgan. Amerikaliklar hech narsaga qodir emas. Ular - kovboy, pepsi-kola, viski, to‘pponcha. Bo‘ldi, shu", – deydi Vladimir Jirinovskiy.
Uning fikricha, aynan AQSh ko‘pdan-ko‘p hollarda "butun dunyodan" yutuqlarni o‘g‘irlaydi.
"Baraxolka-davlat, cherkizon-davlat. U yana ko‘pi bilan 15-20 yil yashashi mumkin. Men yuz yoshni qarshilagan vaqtimda u davlat mavjud bo‘lmaydi. Meksikaliklar, kanadaliklar va boshqa istalgan davlat bo‘lishi mumkin, faqat AQSh emas. AQSh davlati tarqatib yuborilgani, u endi yo‘qligi haqida e’lon qilingan kun - bu sovg‘a bo‘ladi. AQShni yaqin o‘n yillikda tugatish kerak, shuni vaqti keldi", - deydi ishonch bilan Jirinovskiy.