TOShKENT, 22 sen — Sputnik. BAAning “Air Arabia Abu Dhabi LLC” aviakompaniyasi O‘zbekistonga muntazam parvozlarni amalga oshirish uchun ruxsatnoma oldi. Bu haqda Transport vazirligi axborot xizmati xabar qilmoqda.
O‘zbekiston va Birlashgan Arab Amirliklari hukumatlari o‘rtasida imzolangan Havo qatnovi to‘g‘risidagi bitim asosida “O‘zaviatsiya” agentligi tomonidan "“Air Arabia Abu Dhabi LLC” kompaniyasiga muntazam parvozlarni amalga oshirish uchun ruxsatnoma berildi.
Airbus-320-214 havo kemalarida parvozlar Abu-Dabi – Toshkent – Abu-Dabi yo‘nalishlarida amalga oshiriladi.
Eslatib o‘tamiz, O‘zbekiston 4 sentabrdan BAA bilan muntazam parvozlarni qayta tiklagan edi.