TOShKENT, 11 avg - Sputnik. Moskvada Rossiya FXX direktori A.V. Bortnikov boshchiligida Milliy terrorizmga qarshi kurashish qo‘mitasi yig‘ilishi bo‘lib o‘tdi. Unda terrorchilarning Rossiyaga kirib kelishiga to‘sqinlik qilish masalalari muhokama qilindi.
2019 yil boshidan beri terrorchilik va ekstremistik faoliyatda gumon qilingan 820 dan ortiq shaxsning Rossiyaga kirib kelishiga yo‘l qo‘yilmagan.
Shuningdek, Bortnikov xalqaro terrorchilik tashkilotlarning migratsiya oqimidan foydalanishiga yo‘l qo‘yilmaslik kerakligini ta’kidladi.
Yig‘ilish davomida tomonlar radikal harakat tarqalishining oldini olish uchun migratsiya muhitida profilaktika tadbirlarini kuchaytirish choralarini muhokama qildilar.
Shuningdek, chet el fuqarolari o‘rtasida terrorizmning oldini olish bo‘yicha xizmatlar va idoralarning samaradorligini oshirish zarurligi ta’kidlandi.