TOShKENT, 10 avg — Sputnik. XXR raisi Si Szinpin Belarus prezidenti Aleksandr Lukashenkoni respublika prezidenti saylovida erishgan g‘alabasi bilan qutladi. RIA Novosti xabariga asosan.
“Xitoy hukumati va xalqi nomidan, shuningdek o‘z nomimdan samimiy tabrik va eng ezgu tilaklarimni izhor etaman. Ishonchim komilki, sizning rahbarligingiz bilan Belarus davlat qurilishi yo‘lida yangi ulkan yutuqlarga erishadi”, - deyilgan tabrikda.
Belarus prezidenti saylovlari 9-avgust kuni bo‘lib o‘tdi. Dastlabki ma’lumotlarga ko‘ra, saylovda Lukashenko 80,23 foiz ovoz to‘pladi.