TOShKENT, 6 avg - Sputnik. Toshkent shahar IIBB matbuot-xizmati Olmazor tumanida elektr uzatish tarmog‘iga chiqib, barchani o‘z joniga qasd qilish bilan qo‘rqitgan ayol aks etgan video yuzasidan sharh berdi.
Ma’lum bo‘lishicha, bugun, 6-avgust kuni Olmazor tumanida xizmat olib borgan profilaktika inspektorlari A. Karimov va Z. Jabborberganovlar hamda patrul-post xizmati avtoekipaji xodimlari Kichik xalqa yo‘li ko‘chasida yuqori voltli elektruzatish tarmog‘i ustuniga chiqib olgan ayolni ko‘rib qolishgan.
Ayol atrofdagilarga o‘zini tepadan tashlab, o‘z joniga qasd qilmoqchiligini aytgan.
IIBB xodimlari shu atrofda bo‘lgan Sergeli tumani 8-son yong‘in-qutqarish qismi mutaxassisi safdor Sherzodbek Nurmuhamedov bilan ayolning yoniga chiqib, uni pastga tushirgach, Olmazor tumani IIO FMB 6-son IIBga yetkazishgan.
Ayolning shaxsi aniqlangan: u Farg‘ona viloyatidan bo‘lgan 36 yoshli D.U. vaqtinchalik poytaxtning Olmazor tumanida yashab kelgan. Hozirgi vaqtda psixolog ayol bilan ish olib bormoqda.