Sputnik Tojikiston bilan muloqotda MDH mamlakatlari O‘rta Osiyo instituti bo‘limi rahbari Andrey Grozin ushbu holatni kutilgan deya atadi.
"Iqlimshunoslar va gidrograflar o‘tgan yildan buyon Markaziy Osiyo suv taqchilligi davriga o‘tayotganini aytishadi", - deya eslatdi ekspert.
Suv pasayishi davri sababli yirik gidroenergetika loyihalari bugunga kelib to‘xtab qolgan, deya ta’kidladi Grozin.
Ekspertning taxmin qilishicha, Markaziy Osiyo mintaqasi yaqin vaqt ichida suv tanqisligi muammosiga ro‘baro bo‘lishi mumkin.
"Ko‘rinib turibdiki, qandaydir jiddiy qarorlar qabul qilish lozim. Mintaqa mamlakatlari faqat birgalikda energetik inqirozni yenga olishlari, iqtisodiyotlar uchun uning oqibatlarini yumshatishlari mumkin", dedi Grozin.
Muvaffaqiyatli kooperatsiyaning yorqin misoli sifatida ekspert Tojikistonning YeOIIga qo‘shilishini aytib o‘tdi. U shuningdek, Markaziy Osiyoning yagona energetik konturini tiklash zarurligini qo‘shimcha qildi.
Grozin inqiroz katastrofik o‘lchamlarga yetib bormasidan muammoga yechim topish uchun umummintaqaviy yoki hatto kontinental qarorlar qabul qilish kerakligini qayd etdi.