TOShKENT, 23-iyul - Sputnik. Kuch tuzilmalari Moskva, Novosibirsk va Krasnoyarskda ta’qiqlangan "O‘zbekiston islom harakati" terroristik uyushmasi yacheykalari ishtirokchilarini qo‘lga oldi, deb xabar bermoqda Rossiya Federal xavfsizlik xizmati (FSB).
Yacheyka a’zolari teraktlarga da’vat qilib, yollash va jangovar zonalarga o‘tkazish, Suriyadagi terrorchilarni moliyalashtirish ishlarini amalga oshirgan.
Qo‘lga olish vaqtida ulardan ta’qiqlangan diniy adabiyot, jangarilarning tashviqot videomateriallari, shuningdek, qalbaki pasportlar olib qo‘yilgan.
Tezkor qidiruv ishlari va tergov harakatlari davom etmoqda.
Bu yoz oyi boshidan maxsus xizmatlar tomonidan oldi olingan yettinchi teraktdir. FXX bir kun oldin Kabardino-Balkariyada kuch tuzilmalariga amalga oshirilishi rejalashtirilgan hujumning oldini olgan edi.
Bir yarim oy davomida Xabarovsk o‘lkasi, Rostov viloyati, Astraxan, Vladikavkaz, Simferopol va Chuvashiyada jangarilar hujumlari oldi olindi. Yil boshidan 17ta terroristik akt rejasi barbod qilindi.
Iyun oyi o‘rtasida FXX direktori Aleksandr Bortnikov so‘nggi 10-yil ichida Rossiyada 160ta, 2019-yilda 43ta terakt bartaraf etilgani haqida bayonot bergan edi.