TOShKENT, 24-iyun - Sputnik. Ichki ishlar vazirligi, O‘zbekiston DXX, Toshkent shaxar IIBB va DXX xodimlari 23-iyun kuni poytaxt va viloyatda "Tavxid va jihod katibasi" xalqaro terrorchilik tashkiloti a’zolarini hibsga oldilar.
O‘zbekiston Ichki ishlar vazirligi matbuot xizmatining xabar berishicha, bu odamlar, 2001-yilda tug‘ilgan va hozirda Suriyadagi xalqaro terrorchilik tashkiloti safida faoliyat yuritayotgan O‘zbekiston fuqarosi A. Abduqaxxorovning ta’siri ostiga tushib qolgan. Ular ekstremistik videolarni muhokama qilishib "hijrat" va "jihod"ni amalga oshirish uchun Suriyaga borishni rejalashtirishgan.
"Ushbu shaxslar orasidan uch nafari muqaddam terrorizm va ekstremizm bilan bog‘liq jinoyatlar uchun jazolangan edi, ammo ular o‘zlari uchun hech qanday xulosa chiqarmadilar, aksincha bu faoliyatini tikladilar", - deb habar berishadi idorada.
2442-modda 1-qismiga asosan (“Diniy ekstremistik, separatistik, fundamentalistik yoki boshqa taqiqlangan tashkilotlarni tuzish, rahbarlik qilish, ishtirok etish”) jinoyat ishi doirasida Toshkent shahrining Olmazor, Uchtepa, Chilonzor, Yakkasaroy va Sirg‘ali tumanlaridagi 25 manzilda tintuvlar o‘tkazildi, poytaxt viloyatining Zangiota tumanida 25 kishi hibsga olingan.
Ularning yashash joylarida ashyoviy dalillar topildi. Tergov tadbirlari davom etmoqda.
* “Tavhid va jihod katibasi” - O‘zbekiston va Rossiyada taqiqlangan xalqaro terrorchilik tashkiloti.
