COVID-19 yana 32 nafar o‘zbekistonlikda aniqlandi

Sog‘liqni saqlash vazirligi yana 32 nafar fuqaroda koronavirus aniqlangani xabar qildi. Kasallanganlarning umumiy soni 865 nafarga yetdi.
Sputnik

TOShKENT, 12 apr — Sputnik. Yana 32 nafar o‘zbekistonlikda koronavirus infeksiyasi aniqlandi. Bu haqda Sog‘liqni saqlash vazirligi xabar qildi.

“2020 yil 12-aprel soat 23:00 holatiga ko‘ra, O‘zbekistonda koronavirus infeksiyasi qayd etilganlar soni 865 nafarni tashkil qilmoqda”, - deyilgan xabarda.

Buxoro va Xorazmda besh nafar bemor koronavirusdan butunlay sog‘ayib ketdi

Avvalroq O‘zbekistonda 24 kishi ushbu kasallikni yengishga muvaffaq bo‘lgani xabar qilingan edi. Mamlakatda koronavirus bilan kasallanib undan tuzalib ketganlar 66 kishini tashkil qilmoqda. 4 kishi koronavirus qurboni bo‘lgan.

Jahon sog‘liqni saqlash tashkiloti 11-mart kuni yangi turdagi COVID-19 koronavirusi infeksiyasi tarqalishini pandemiya deb tan oldi. 12-aprel holatiga ko‘ra, dunyoda koronavirus yuqtirib olganlar soni 1,7 milliondan ziyod kishini tashkil etmoqda. Ushbu infeksiyani 405 791 kishi yengishga muvaffaq bo‘lgan. 108 mingdan ziyod kishi koronavirus qurboniga aylangan.