Mart oyida respublikada bir yil muddatga navbatdagi chaqiruv e’lon qilindi. Zaxiraga bo‘shatilgan askarlarni tashish uchun “O‘zbekiston temir yo‘llari”AJ tomonidan tashkil etilgan maxsus poyezdlar 7 mingdan ortiq askarni uylariga yetkazishga muvaffaq bo‘ldi. Shu bilan birga, harbiy xizmatchining har biriga shaxsiy gigiyena vositalari va tibbiy niqoblar topshirildi. Mart oyining boshida yangi qabul qilingan askarlar guruhlari xizmatni o‘tash joylariga yo‘l olishdi. Shu bilan birga, og‘ir epidemiologik vaziyat armiyaning "smena o‘zgarishi" ni to‘xtatib qo‘yishiga olib keldi. Bu chaqiruv punktlarida odamlarning ommaviy to‘planishida koronavirus infeksiyasi tarqalishi xavfini kamaytiradi. Ushbu chora to‘la asosli, chunki 6-aprel kuni ertalab O‘zbekistonda COVID-19 virusini yuqtirganlar soni 390 kishiga yetdi, ulardan yuzga yaqini o‘tgan kun ichida kasallangan.
Vaziyat murakkab. Qo‘shinlar karantin obyektlarini sanitariya ishlovi va himoya qilinishiga jalb qilingan. Epidemiologik xavfli hududda radiatsiyaviy-biologik mudofaa bo‘yicha malakali mutaxassislar va shifokorlar jangovar sharoitda ishlashmoqda. O‘zbekiston Respublikasi Qurolli Kuchlari Yosh mutaxassislarni tayyorlash markazining dezinfeksiyalash guruhi dislokatsiya nuqtasiga tutashgan bir nechta ko‘chalarni zararsizlantirdi va shunga o‘xshash tadbirlar butun mamlakat bo‘ylab davom etmoqda. Fuqarolar ko‘rilayotgan choralardan mamnun va minnatdorchilik bildirmoqdalar. Biroq, o‘qitilmagan yangi askarlarni jangga jalb qilish maqsadga muvofiq emas.
Mamlakatni to‘g‘ridan-to‘g‘ri tajovuzdan yoki virusli pandemiyadan himoya qilish uchun, birinchi navbatda, jipslashgan, o‘qitilgan va yaxshi jihozlangan harbiy qismlar kerak. Qo‘shinlar o‘zlariga berilgan vazifalarni avtonom va samarali bajarish uchun puxtalik zaxirasiga ega. Bahor chaqiruvini noma’lum vaqtga ko‘chirilishi jangovar tayyorgarlikka ta’sir qilmaydi. Muddatli harbiy xizmatchilar jangovar vaziyatda odatiy hayot tarzini amalga oshirishning iloji yo‘qligini va O‘zbekiston xalqi o‘z armiyasiga chin dildan umid qilishini yaxshi bilishadi.
Xavotirli sur’at
O‘zbekiston Sanitariya-epidemiologiya nazorati davlat inspeksiyasi boshlig‘i Nurmat Otabekovning so‘zlariga ko‘ra, yangi bemorlarning soni 100 mingdan ortiq odam uchun karantin tugaganidan keyingina kamayishni boshlaydi. Ya’ni, kelgusi kunlar va haftalar ichida respublikada COVID-19 koronavirus infeksiyasiga qarshi kurash susaymaydi. O‘ylaymanki, bahorgi chaqiruv "texnologik nosozlik" tufayli to‘xtatilmadi, balki asosiy hududda kuchlarning qayta yig‘ish shaklidagi sa’y-harakatlarni birlashtirish uchun.
Armiyadagi "smenani o‘zgarishi" shunday qilinganki unda kasal odam yig‘ilish punktiga yetib borishi va harbiy forma kiyib olishi pandemiya vaziyatida deyarli imkonsiz: bir necha harbiy tibbiy komissiya bosqichma-bosqich har bir yigitni (alohida) va uning tibbiy kartasini aniq yoki yashirin kasalliklarga tekshirib ko‘radi. Kelajakda, taxminan bir oy davomida yangi askarlar qo‘shinlarda "keksa yoshdagilar" dan butunlay ajratilib joylashtiriladi, "Yosh askar kursi"ni alohida o‘taydilar (bu deyarli karantin). Albatta, virusli epidemiya xavfli, ehtiyot choralarini talab qiladi, ammo u navbatdagi chaqiruvni bekor qila olmaydi.
Masalan, bugungi kunda Rossiya harbiy kommisariatlarining barcha xodimlari masofadan turib ishlash rejimiga o‘tkazildi, chaqiriluvchilarning zarur ma’lumotlari telefon orqali aniqlanmoqda. COVID-19 omilini hisobga olgan holda rossiyalik chaqiriluvchilar tegishli tekshiruvlardan o‘tib, 20-maydan erta bo‘lmagan muddatda, ya’ni odatdagidan kechroq hizmat joylariga yo‘l oladilar. Ushbu misol shuni ko‘rsatadiki, koronavirus chaqiruv texnologiyasiga tahdid solmaydi, ammo O‘zbekistonning qurolli kuchlar juda ixcham - 50 ming kishi, ularning aksariyati epidemiyaga qarshi kurashga jalb qilingan. Va, ehtimol, bu vaziyatda, yangi askarlar faqat xalaqit berishi mumkin.
Bugungi kunda chaqiruv bo‘yicha hizmatni o‘tab bo‘lgan, o‘qitilgan va tajribali jangchilar, uylarida o‘z-o‘zini izolyatsiya qilishidan ko‘ra, mamlakat va odamlar uchun oldingi safda ko‘proq foydalidir. Ulug‘ Vatan urushidagi G‘alabaning 75-yilligi arafasida, 1944-yildan beri 7-9 yil davomida ta’tilsiz xizmat qilishga majbur bo‘lgan 1927-yilda tug‘ilgan chaqirilganlar bexos esga tushadi. Hech kim nolimagan va bugun bu askarlarning nabiralari harbiy an’analarning kuchiga tayanib, zamon talablariga javob berib, Vatanga g‘urur va sharaf bilan xizmat qiladilar. Umid qilamizki, O‘zbekistonda koronavirusni yengish uchun bir necha yil emas, balki bir necha oy kifoya bo‘ladi.
Albatta, qo‘shinlarning jangovar tayyorgarligining odatiy ritmi va mashqlar jadvali buziladi, ammo bu tarkibiy qismlarning umumiy tayyorgarligiga ta’sir qilmaydi. Koronavirusni mag‘lub qilgandan so‘ng, qo‘shilgan yosh kuchlarni harbiy safga tezlashtirilgan tarzda qo‘shish mumkin.
Xizmat, xayriya
O‘zbekistonda koronavirus tarqalishi xavfi tufayli 30-mart kunidan barcha aeroportlar faoliyati to‘xtadi, avvalroq boshqa davlatlar bilan transport aloqalari to‘xtatilgan edi. Shunga qaramay, vaqtinchalik qiyinchiliklarni bartaraf qilsa bo‘ladi, mamlakat va qurolli kuchlar hayoti davom etmoqda.
Harbiy xizmatchilar butun respublika bo‘ylab "Biz sizga yordam beramiz, siz esa uyda qoling" shiori ostida o‘tkazilayotgan xayriya tadbirlarida faol ishtirok etmoqdalar. Va ular nafaqat mahsulotlar bilan yordam bermoqda. Oliy tank qo‘mondonlik-muhandislik bilim yurti va Harbiy prokuratura ko‘ngillilari guruhi karantindagi vatandoshlarni 200 dan ortiq dunyo va o‘zbek adabiyotiga oid kitoblari bilan ruhiy qo‘llab-quvvatladilar.
Boshqa tomondan, (bugungi kunda uylaridan uzoqda o‘z vazifalarni bajarayotgan) harbiy xizmatchilarning oilalariga ijtimoiy yordam ko‘rsatish maqsadida Farg‘ona, Andijon va Namangan garnizonlarida Sanitariya-epidemiologiya nazorati markazi nazorati ostida chegirmali oziq-ovqat yarmarkalari tashkil etilmoqda.