TOShKENT, 2 mar — Sputnik. Eronda Muvofiqlik kengashi (Eron oliy rahbari qoshidagi kengash organi) a’zosi Muhammad Mirmuhammadiy vafot etdi. Bu haqda Fars agentligi xabar qilmoqda.
O‘limning aniq sababi aytilmayapti. Biroq agentlik avvalroq amaldor koronavirus yuqtirib olganini ta’kidlagan. 1-mart kuni u Tehrondagi kasalxonaga yotqizilgan.
Mirmuhammadiy 72 yoshda edi. Hayoti davomida u ikki marotaba Qum provinsiyasidan Eron Majlisiga (parlamentiga) deputat etib saylangan.
Eron Xitoydan tashqarida koronavirus avj olgan yetakchi davlatlardan biri sanaladi.
1 mart kuni Eronda yangi koronavirus bilan kasallanganlar soni 987 kishiga yetgani xabar qilindi, ulardan 54 nafari vafot etgan.