TOShKENT, 27 sen — Sputnik. Qirg‘izistonning Jalolobod viloyatida huquqni muhofaza qiluvchi organ xodimlari ikki nafar Amerika fuqarosini bir kilogramm giyohvand moddasi bilan qo‘lga oldi. Bu haqda Sputnik Qirg‘iziston viloyat IIB matbuot xizmatiga tayangan holda xabar qilmoqda.
“19 sentabr kuni Bishkek-O‘sh trassasida huquqni muhofaza qiluvchi organ xodimlari Honda Odyssey avtomobilini to‘xtatishdi. Yo‘lovchilarning shubhali harakati diqqatni jalb etdi va militsiya xodimlari tintuv o‘tkazishga qaror qilishdi. Erkaklardan birida ichida marixuanaga o‘xshash bo‘lgan modda bo‘lgan paket aniqlandi. Ular qo‘lga olindi”, - deyiladi xabarda.
Keyinchalik bu ikki yo‘lovchi AQShning Tinchlik korpusi ko‘ngillilari ekani ma’lum bo‘lgan. Ular Jalolobod viloyati Aksi tumanidagi maktablardan birida ingliz tilidan dars berishgan
Ekspertiga xulosasiga ko‘ra, musodara qilingan paketda 1 kg 26 gramm marixuana bo‘lgan. Ulardan biri giyohvand moddalari unga tegishli ekanini tan olgan.
Hozirda Toktogul tuman sudi qarori binoan aybini tan olgan amerikalik tergov hibsxonasiga joylashtirilgan, sherigi esa qo‘yib yuborilgan.