TOShKENT, 6 avg – Sputnik. 5-avgust kuni 102 raqamiga 31 yoshli B.R.dan Chilonzor tumani hududidan oqib o‘tuvchi “Bo‘rijar” kanalida erkak kishining tanasini ko‘rganligi haqida xabar kelib tushgan. Bu haqda Toshkent shahar IIBB xabar bermoqda.
FVV qutqaruvchilari tanani suvdan chiqarib olishgan va keyinchalik u 1-avgust kuni bedarak yo‘qolgan shaxs sifatida qidiruvga berilgan Shayxontohur tumanida istiqomat qilgan 27 yoshli A. M. ekanligi aniqlangan.
Hozirda tergovga qadar tekshiruv ishlari olib borilayotgani xabar berilmoqda.