TOShKENT, 1 avg – Sputnik. O‘zbekistonda yaqin yillarda golubika mevasini yetishtirish sanoati rivojlanishi mumkin. Bu haqda BMTning oziq-ovqat va qishloq xo‘jaligi tashkilotining investitsion departamenti iqtisodchisi Andrey Yarmak EastFruit portaliga ma’lum qildi.
Yarmakning fikriga ko‘ra, O‘zbekistonda sabzavot, meva va yong‘oq ishlab chiqarish va qayta ishlash korxonalarini moliyalashtiradigan xalqaro loyihalar respublikada golubika yetishtirish sanoatini yo‘lga qo‘yishga yordam beradi.
Ekspert ta’kidlashicha, golubika – dunyo bozorida eng qimmat meva hisoblanadi. Biroq Ispaniyaga nisbatan O‘zbekistonda ishchi kuch ancha arzon, buning hisobiga respublika raqobardosh qilishi mumkin.
O‘zbekiston golubikani Osiyo bozorlari: Xitoy, Gonkong, Singapur, Malayziya va Vyetnamga yetkazib berishi mumkin.
Yarmakning so‘zlariga ko‘ra, respublika bu mevani yetishtirish, ishlov berish, muzlatish, tashish va marketing texnologiyalarini o‘rganish va joriy etishga e’tibor qaratishi zarur.