TOShKENT, 4 apr — Sputnik. O‘zbekiston milliy jamoasi FIFAning 2019-yil aprel oyi uchun terma jamoalar reytingida 4 pog‘ona yuqoriladi.
Ilgari 89-o‘rindan joy olgan O‘zbekiston terma jamoasi endilikda 85-o‘rinni egallab turibdi.
Osiyo jamoalari ichida esa O‘zbekiston Livanni ortda qoldirib, 11-pog‘onaga chiqib olishga muvaffaq bo‘ldi.
Jahon reytingidagi yetakchilikni Belgiya milliy jamoasi qo‘ldan boy bermasdan kelmoqda. Birinchi uchlikka Fransiya va Braziliya ham kiritilgan. Angliya milliy jamoasi Xorvatiyadan o‘zib ketib, 4-o‘ringa, Urugvay esa Portugaliyani ortda qoldirib 6-o‘ringa chiqib olgan. O‘nlikdagi boshqa jamoalar – Shveysariya (8-o‘rin), Ispaniya (9) va Daniyaning (10) o‘rni o‘zgarmay qolgan.
Bor e’tiborimiz Jahon chempionati saralashiga qaratilgan - Ektor Kuper
Shuningdek, FIFA reytingining yangi talqinida Osiyo jamoalari reytingidagi yuqori o‘nlik o‘zgarmay qolgan. Unda umumiy reytingda 21-o‘rindagi Eron milliy jamoasi yetakchilik qilmoqda. Keyingi o‘rinlardan Eron, Yaponiya, Janubiy Koreya, Avstraliya, Qatar, BAA, Saudiya Arabistoni, Xitoy, Iroq, Suriya terma jamoalari o‘rin olgan. O‘zbekiston Suriyadan keyin 85-o‘rindan joy olgan.