TOShKENT, 2 apr — Sputnik. AQShning aksariyat aholisi mamlakat prezidenti postini gey egallashiga qarshi emas. NBC News/Wall Street Journal tomonidan o‘tkazilgan so‘rov natijalari shuni ko‘rsatmoqda.
Shu tariqa, so‘rovda qatnashganlarning 54 %i, noan’anaviy oriyentatsiyaga ega nomzodlarga ijobiy qarashini bildirgan bo‘lsa, yana 14 %i bunday nomzodni "zavq-shavq" bilan qabul qilishini aytgan.
Ushbu so‘rov Saut-Bend (Indiana shtati) shahar meri Pit Buttidjich 2020-yilda shtkaziladigan prezident saylovlari kampaniyasida ishtirok etish rejasi haqida ma’lum qilgach, o‘tkazilgan. Siyosatchi geyligini jamoatchilikdan yashirmaydi va u o‘zining noa’nanaviy oriyentatsiyasi haqida 2015-yilda ma’lum qilgan.
Amerikaliklarning ushbu masalaga nisbatan munosabati 2006-yildan jiddiy o‘zgardi. O‘sha vaqtda so‘rovda qatnashganlarning uchdan bir qismidan ortig‘i ular gey yoki lesbiyanka nomzodga mutlaqo qarshiliklarini bildirgan edilar.