TOShKENT, 19 mar - Sputnik. 18 mart kuni Qashqadaryo viloyatidagi Beglamishsoy qishlog‘i hududida mashinaga o‘rnatilgan gaz balloni portlashi oqibatida bir kishi halok bo‘ldi.
O‘zbekiston IIV Jamoatchilik va OAV bilan aloqalar boshqarmasining xabar qilishicha, Chiroqchi tumanida yashovchi T.D. o‘zining Nexia rusumli avtomashinasini Beglamishsoy qishlog‘i hududida haydab ketayotgan vaqtida avtomashina yukxonasiga o‘rnatilgan 100 litr sig‘imli gaz balloni portlab ketgan.
Natijada avtomashina haydovchisi va uning yo‘lovchisi 37 yoshli G‘.B. jarohat olib, kasalxonaga keltirilgan vaqtda yo‘lovchi vafot etgan, deyiladi xabarda.
Hozirda holat yuzasidan surishtiruv ishlari olib borilmoqda.